எனக்கும் சிறகுகள் முளைக்குதே

எனக்கும் சிறகுகள் முளைக்குதே

-------------------------------------------------

உன் நினைவை

சுமக்கும் ஆகாயத்தை

கடக்கும் போது 

சிறகாய் பறக்கிறேன்..!!

உன் கண்ணுக்குழி

தீண்டிய மேகத்தால் 

கனவு படுக்கையில்

மழையாய் வீழ்கிறேன்..!!

       ~ கடலூர் ராஜ்குமார்

நடைப்பயிற்சி ஹைக்கூ

நடைப்பயிற்சி

நேத்து சாயங்காலம்

சாப்பிட்ட பானிப்பூரியால் 

விடியற்காலையில்

பாதயாத்திரை (பரிகாரம்) நடக்கும்

நெடுந்தூரம் நடந்தாலும் 

வேர்வை வர திணறுகிறது 

அவள் புன்னகையும் வெட்கமும் 

அப்படித்தான் எப்போதும் திணறும்

பக்கத்துவீட்டு அக்கா 

பூங்கா வருவதில்லை நடைபழக

பாவம் அவளின் (பெண்) சுதந்திரம் 

மொட்டை மாடிக்குள் முடியும்

பாதை ஓரம் பூத்த பூக்கள் பேசிக்கொள்கிறது(கேள்வி)

கிருமிநாசினி பயன்படுத்தாமல் -ஏன்

நம்மை தொடுகிறார்கள் என்று

கடலூர் ராஜ்குமார்

நடைப்பிணமாக நகரும் நாட்கள்...

நடைப்பிணமாக 

நகரும் நாட்கள்...

 ☘️

நான் மழை வெள்ளத்தில் 

மூழ்கிய நெற்கதிரை போல 

சாய்ந்து கிடக்கின்றேன்

எனக்குள் நிமிர்ந்தும் எழ 

மறுக்கும் உணர்வுகள்

☘️

என் கல்லறையில் விழுந்த 

கடைசி பூக்களைப் போல 

சிதறி கிடக்கிறேன்

யாரிடமும் பேசாமல்  

காய்ந்து போன வார்த்தைகள்

☘️

பொட்டிக் கடையில் தொங்கும்

தலைப்பு செய்தியை போல

அதிகம் விவாதிக்கப்படுகிறன்

என் விரல் விரதமிருக்க

தினமும் ஏமாறும் காகிதங்கள்

கடலூர் ராஜ்குமார் 

13.02.2021