நீலவானமும்... நீயும் நானும்..

தேடல்கள் என்பது 

உனக்கும் எனக்கும் 

ஒன்றுடன் ஒன்று

தொடர்புடையதாகும்

உன்னுடைய தாபம் 

நீலவானத்திடம் 

இளைப்பாறவே

என்னுடைய ஜீவன் 

தொலைத்த 

உறக்கத்தை மீட்கவே

காலமாற்ற கனவில் 

நிகழ்கிறது 

இருவரின் மரணமற்ற 

தேடல் பயணம்.

நெஞ்சில் மாமழை

இளம் வெயில்

உண்ண தழுவ 

காத்திருந்த 

வேளையில்

அதிகாலையில் 

மெல்லிய குளிர்காற்றில்

உனது சேலையில் 

அசைந்து ஆடியது

கோடையின் வெக்கை

தணிக்க "மழை" யை

அனுப்பி வைத்தாய்

உனக்கும் எனக்கும்

இடைவெளியில் 

வடகிழக்கு பருவமழை 

கொட்டி தீர்த்து

உனது பெயரை 

நினைத்துக் கொண்ட

கோடை மழையில்

நனைந்து நின்றேன்.

 

நான் கிராமத்து பொண்ணு

 நீ சில நேரங்களில் பயன்படுத்தும்

 "நான் கிராமத்து பொண்ணு" என்ற சொற்களில் எவ்வளவு திமிரும், அன்பும், பேரழகு உள்ளது என்பதை 

இப்பொழுது உணர தொடங்கி இருக்கிறேன்.